لو نصارح بعض

لو نصارح بعض فى بداية لقانا

لو فى يوم ملينا او ضعنا فى هوانا

نتفق نبعد وننسى كل شئ

الفراق اهون كتير قوى م الخيانة

كل واحد يمشى حر

ليه نعيش فى عذاب ومر

الفراق جرح لحظة الخيانة جرح عمر

قوللى ازاى تبقي عايش بين ايديا ومش معايا

تقدر تعيش ازاي فى نفس الوقت اكتر من حكاية

اللى عايز كل حاجة مش هياخد اى حاجة

لية نكمل للنهاية ماتصارحنى م البداية

و كل واحد يمشى حر

ليه نعيش فى عذاب ومر

الفراق جرح لحظة الخيانة جرح عمر

I’M BROKEN
مقدرش احدد بالضبط إيه السبب الرئيسي..في أسباب كتير كلها تنفع تكون رئيسية..أسباب بدأت من زمان قوي..مش فاكره من أمتي..مش قادرة افتكر أمتي كانت آخر مرة كنت سعيدة بجد..سعادة فعلا من جوه مش ضحك بترسم علي الملامح شويه ويختفي...مش عارفة إذا كنت أصلا سعيدة قبل كده ولا لا..
محتاجة إيه علشان أتصلح؟ مش عارفة...بس عارفة إن اكتر حاجة فقدانها آلمني..اكتر حاجة افتقدتها..إحساسي ..
"كوسيلة دفاع ضد الألم لما يوصل لدرجة معينة ممكن جهازنا العصبي يوقف الإحساس بيه" ..مش عارفة ده طبيا صح ولا لا بس لما بطل أحد المسلسلات الأجنبية قال الجملة دي علي طول فكرت إن ده اللي حصل معايا...من كتر ما مواقف الناس كانت بتأثر فيا بطلت أحس بأي حاجة..بطلت اهتم لحد وبقت الناس كلها مش فارقة معايا...حتى أهلي..عمري ما خاصمت أمي كل الفترة دي..عمري ما فكرت أنها مش هاتفرق معايا لو بكرة مبقتش موجودة فحياتي.. مجرد الفكرة كانت زمان ممكن تخليني مكتئبة لأيام..دلوقتي كل اللي بيجي في دماغي هو إن مشاكلنا المزمنة مع بعض هاتتحل أخيرا...شريرة؟؟ عارفة..بس أنا مبقتش كده فيوم واحد..ولا من غير أسباب..الكبت بيولد الانفجار..
حتى لو مكنش ده اللي هيحصل فعلا لما أتحط فالموقف بس مجرد التفكير كده غريب عليا جدا..
مش عارفة اكتب ولا أحس الأدب زي زمان..مبقتش في حاجة بتعرف تلمس قلبي..حتى دموعي اللي كنت دايما بتكسف قوي لما تنزل قدام قصة أو رواية أو حتى فيلم ولا مسلسل بقت صعبة جدا.. دايما كنت عايزة أتغير... خايفة يكون هو ده التغيير اللي قدرت أحققه..أني ابقي بلا إحساس..
"أنا زعلانه من الدنيا زعلانة منها قوي "
تعبانه ومش عارفة أفكر صح..بزق الأيام علشان تعدي وكأن هدفي الوحيد في الحياة أنها تعدي..بندم كتير علي أيام عدت كان ممكن جدا تكون سعيدة.. وبراجع نفسي كتير فقرارات كانت حياتي هاتختلف لو خدتها أو مخدتهاش...
اكتر حاجة شغلاني بجد هي
"هأفضل كده لغاية أمتي؟مستنية إيه علشان أتغير؟"
كلها شهرين ويبقي عندي 23 سنه..
حققت إيه؟ولا حاجة
بحلم بايه؟ولا حاجة
23 سنه من الفراغ..يمكن أكون لسه صغيرة والعمر قدامي طويل زي ما بيقولوا..بس أنا مش حاسة ده..
I FEEL OLD...
I FEEL DEAD…

لم أعد أذكر أي حدث بالتحديد كان سببا لانهياري, بعد ذلك, وأوصلني حدّ فقدان شهية الحياة.لا شيء كان يغريني, ولا أحد كانت تعنيه حياتي.
فوضى الحـواس
احلام مستغنمي