امبارح كنت في بيت جدتي ...مرحتش هناك من ساعة عزاها..
وانا هناك...افتكرتك...
جدتي توفت يوم خميس (مش
فاكرة التاريخ بسبب اني مسجلتوش وذاكرتي لا تحتفظ بالارقام) بس فاكرة انه كان يوم
خميس واننا كنا في طريقنا للجيزة مروحين وانك اول حد عرف واول حد عزاني...وفاكرة
كمان اني وانا في بيتها للمرة الاخيرة (قبل امبارح) يوم العزاء بعت لي رسالة بتقول لي فيها ان مامتك عايزة تشوفني
وانك عايزني اديك صورة ليا علشان توريهالها مش فاكرة ردي تحديدا بس متاكده اننا
اتخانقنا ساعتها لاني فاكرة رفضي انك يبقي عندك صورة ليا...
3 comments:
شروق ..لو جيتي مرة تزوري مدونتك ابقي زوريني انا حبيتك وحبيت مدونتك رغم الحزن اللي ماليها ومتهيألي ان فترة شهرين مش كتيرة يعني ممكن ترجعي لأي سبب يمكن عشان تهويها وتبصي من شبابيكها شوية وساعتها اكيد حاتلاقيني فلو سمحتي ابقي زوريني في اتمشى بين ضلوعي ..مستنياكي اوعي تنسي ..احنا النهاردة 13 اكتوبر 2011 مش كتير مش كده ..
نورتيني ونورتي مدونتي المتواضعة
انا زورت مدونتك و حطيتها في جوجل ريدر علشان اتابع جديدك اول باول كمان
http://www.mazika.com/ar/music/album/angham/sibto
Post a Comment